Скачать книги издательства «Бичик»

Эдэркээн учуутал Эрчим Быгаанап Ньукуолун саҕана аармыйаҕа ыҥырыллан, сулууспалыыр чааһыгар – Чукоткаҕа силлиэлээх-буурҕалаах муус-хаар дойдуга биирдэ баар буола түһэр. Бу дойду хаардаах хомолорун, чымаан хайаларын сүдү көстүүлэрэ, чукчалар муора аарыма харамайа киити бултууллара – барыта саха киһитин хараҕынан ойууланара ааҕааччы болҕомтотун тардыаҕа. Ааптар бу уруһуйдуур дьоҕурдаах, сайаҕас майгылаах уолунан уонна кини доҕотторунан сирэйдээн, саха ыччата ханна да тиийдэҕинэ, араас омук бэртэрин кытта тэҥҥэ, үксүгэр ордук даҕаны, сулууспалыырын, эҥин моһоллору этэҥҥэ туоруурун итэҕэтиилээхтик, киэн тутта сэһэргиир. Маҥнайгы долгутуулаах нарын таптал, санаа хоту табыллыбатаҕын да иһин, инникигэ эрэли саҕарын манна көрөбүт.

Кинигэ иккис аҥаарыгар суруйааччы уонна уопсастыбаннай диэйэтэл айар үлэтин дьүһүйэр анаарыылар киирдилэр.

Главный герой повести Эрчим Быганов, молодой учитель рисования и черчения, призывается в ряды Советской Армии и попадает в сложнейшие условия службы – на Чукотку. Суровые снежные сопки, величественные виды бухты Чукотского моря и Берингова пролива, необычные будни аборигенов – охотников, китобоев – читатель воспринимает глазами паренька из якутской глубинки. В произведении правдиво показывается, как армейская жизнь закаливает характер героя: благодаря своему дару рисовать он быстро адаптируется к военной среде, развивается как личность, становятся четче его нравственные ориентиры. Прекрасное чувство трепетной первой любви вдохновляет его на преодоление любых испытаний.

Книга приурочена к 70-летию писателя и общественного деятеля.

Во время просмотра фильма, особенно когда показывают какие-нибудь трюки или то, что в обычной жизни не увидишь, нам часто хочется заглянуть за экран и узнать, что же происходило там на самом деле, и как это все снималось. Любопытство и фантазия рисуют в нашем воображении невероятные картины. Автор, известный режиссер, ведущий, оператор и актер, стоявший у истоков возрождения российского кино, в своей книге дает читателю-зрителю возможность понаблюдать за съемками глазами участника этого таинственного действия, которое остается за кадром. Для тех, кто любит кино и путешествия.

Суруйааччы саҥа айымньыларын геройдара – бүгүҥҥү кэм дьоно. Ким эрэ табыллыбатах тапталтан эрэйдэнэр, ким эрэ чугас киһитин алҕаһын көннөрө сатыыр, оттон сорохтор арыгы ыар содулуттан тэмтэрийэн иһэн көнөр суолга үктэнэллэр. Кинилэри биир дьулуур ситимниир – инникигэ эрэл, олоххо тардыһыы.

Эдэр ааптар кэпсээннэригэр күннээҕи олоххо үгүстүк көстөр быһыыны-майгыны, чугас дьон сыһыаннарын, киһи саныыр санаатын, омос көрдөххө, балачча суруллан кэлбит тиэмэлэри арыйар эрээри, хас биирдии айымньыта дириҥ ис хоһоонноох, ааҕааччыны долгутар уонна толкуйдатар аналлаах. Таптал таабырына, уоллаах кыыс сүрэхтэрин кистэлэҥэ, олох очуругар бүдүрүйэн да баран көнүү – бу буоллаҕа олохпут тутуллан турар тутула, үйэлэргэ ахсаабат өй уонна сүрэх мөккүөрэ, олох олорор, киһи аналын толорор туһугар дьулуур көстүүтэ.

Сорох кэпсээннэр «Эдэр саас» хаһыат «Сүрэх кистэлэҥэ» рубрикатыгар бэчээттэммиттэрэ.

Социалистическай Үлэ Геройа, саха народнай суруйааччыта, биллиилээх общественнай деятель Д.К.Сивцев-Суорун Омоллоон төрөөбүтэ 100 сылын көрсө тахсар хомуурунньукка дириҥ социальнай ис хоһоонноох, умнуллубат уус-уран уобарастардаах кэпсээннэрэ киирдилэр.

«Ол түгэн уораана» сэһэн саха народнай суруйааччыта Софрон Данилов «От үрэххэ» диэн киэҥник биллэр, хрестоматияҕа киирбит кэпсээнигэр олоҕуран сурулунна. Сэһэн туһунан бэчээккэ хаста да суруйан тураллар. Олор ортолоругар Багдарыын Сүлбэ 2010 сыллаахха «Кыым» хаһыакка: «Арчылан бу кинигэтин мин саха кыыһыгар, дьахтарыгар гимн курдук сыаналыы аахтым», – диэн суруйбута.

Үрүҥ-хара, үтүө-мөкү, кырдьык-сымыйа, үөрүү-хомолто, үчүгэй-куһаҕан, сырдык-хараҥа, таптал-өһүөн, бэринии-таҥнарыы… барыта бу олоххо баар, син биир БААР-СУОХ диэбиттии, бэйэ-бэйэтиттэн хардарыта тутулуктаах…

Сэһэҥҥэ таптаспыт сүрэхтэр бэйэ-бэйэлэригэр курдаттыы тардыһыылара, дууһаларын аймалҕана ойууланар.

Үгүс сыллары уҥуордаан сүтэрсибит сүрэхтэр сипсиэрдэригэр кубулуйбут таптал туһунан сэһэн эдэр-эмэн да ааҕааччыны умсугутуоҕа, олох кэрэтэ хаһан да бүппэтин өйдөтүөҕэ.

Ромаҥҥа Саха сиригэр Гражданскай сэрии 1922–1923 сыллардааҕы түгэннэрин туһунан кэпсэнэр.